| Multo ng Pinabayaang Katha | for alma's friends and alma's online buddies |
Ayokong makuntento ka
Na iniisip mo lang ako.
Nagsusumamo akong
Ilabas mo ako sa iyo.
Bihisan mo ako’t
Ipakita sa tao.
Ikaw ay ako
Huwag kang matakot.
Isulat mo ako
Huwag sa hangin
Huwag mo akong hayaang
Lumutang sa alapaap at
Tangayin sa kawalan.
Ipinta mo ako
Nang di mo makalimutan
Na may maganda ring nangyari sa iyo.
Ilapat mo ako
Sa musika ng iyong buhay
Upang marinig ng lahat
Ang hinanahing mong hubad
Lingunin mo ako, huwag kang matakot
Kahit multo akong
Pabalik-balik,
Hindi kita titigilan
Hanggat hindi mo nakikita
Ang anyo ko, na anyo mo rin.
No comments:
Post a Comment